عناوين محلات الاغراض الفنية في معظم الدول العربية ج3

مصر:

القاهرة:

شارع الموسكي وهو بمنطقة العتبة بالقاهرة , به مجموعة من المعروضات وبه محلات للكلف الخاصه بالخياطه وكل مستلزمات الخياطه وكذلك الخيوط الخاصة بها وبأعمال التطريز المختلفه وتباع بالجملة في محلات وبالقطاع في محلات أخري بنفس الشارع وكذلك به جميع مستلزمات أعمال الشك والتطريز من خيوط وخرز وترتر ( برق علي ما أعتقد عندكم).

محل الكاشف وهو في ميدان الجامع بمصر الجديدة وهو أيضا ملم باحتياجات الخياطه والتطريز والسيرما وعنده باترونات جاهزه لها وممكن علي ما أعتقد شراء جاهز بالطلب من عنده وكذلك الليسيه من مفارش صغيرة وكبيرة للسفرة والأ سرة فتوجد عنده مستلزماتها وكذلك أعتقد ممكن التوصيه بعمل معين عنده كما السيرما ....
هذا وله فرع في الموسكي ويقوم بنفس الخدمات مع طبعا كل محل له طابعه ومعروضاته ...
وللعلم الموسكي يعتبر منطقه شعبيه ......

محل بوبجيان بقصر النيل وعنده مستلزمات الخياطه والتريكو والسيرما (خيوط) ...

خان الخليلي وطبعا معروف هو أكثر شيء به الأنتيكات وأعمال يدويه بالنحاس والفضه وهناك محلات تبيع تابلوهات سيرما وهو يقع في منطقة الحسين ..........

مكتبة سمير وعلي وهي في شارع شريف وتجدي فيها الألوان الخاصه بالرسم عامة والفرش والكتالوجات التي تحتاجيها كما بالحرير وغيره ,,,,,,

لوازم الكروشيه والتطريز المختلفة:
· وسط البلد
· الازهر وبالذات فى التربيعة
· محل باباجيان فى شارع 26 يوليو وله فرع اخر فى شارع قصر النيل بوسط البلد وايضا فرع ثالث فى شارع فؤاد (أو ) شارع شريف
· محل كل شئ وفروعه في مدينة نصر – ميدان الجامع
· محل كستيلا مدينة نصر – عباس العقاد
· المهندسين والمعادي
· داخل سوق الجيزه شارع فيه محلات بيع الخيوط فيه محل العقاد واش اش وما شاء الله
· محلات سلامة اللى تحت جراج الاوبرا يبيع بالجملة

والمجلات الفنية و الكاتلوجات :
· سوق الكتب القديم لبيع الكاتلوجات
· المحلات الموجوده في سور الازبكيه اول 3 او4 محلات علي اليمين عندهم مجلات جميله جدا (تركبي المترو وتنزلي محطه العتبه واول ما تطلعي من السلم تلاقي سورالازبكيه علطول)
· فى اول شارع سليمان عند مخبز كريستال وانتى رايحه قصر النيل من التحرير على الناصيه عم عبده يبيع البوردا لجميع السنوات .

وعموما الأزهر كله محلات مناسبة لشراء لوازم الأشغال الفنية
وهذه خريطة الأزهر شرح الاخت (omyoussef) جزاها الله خيرا:
انتي عندك شارع طويل اوي اوي بتاع الازهر والحسين ماشي الشارع ده اوله كوبري للعربيات واخره مستشفى الحسين فيه طريقين لو معاكي عربيه
يا اما تطلعي الكوبري بالعربيه وده هاينزلك قرب اخر الشارع
يا اما تلفي من تحت الكوبري وده هايخليكي تمشي في كل الشارع من اوله لاخره
خلينا من الطريق التاني واشرحلكوا هتلاقوا ايه كل ما تمشوا
اوك يعني احنا دلوقتي ماشيين من تحت الكوبري
هتلاقوا في الاول محلات اجهزه كهربائيه وتليفونات كتير على اليمين والشمال وبعدين تفضلوا ماشيين هتلاقوا محلات لشنط السفر عل اليمين وعلى الشمال وبعدين هاتفضلو ماشيين لحد ما تلاقوا مفترق طرق والطريق قدامكوا بقي 4 يعني يا اما تمشي على طول او تدخلي يمين او تدخلي شمال
ندخل يمين الاول هتلاقي محلات على الناصيه بتبيع شوية اكسسوارات للستاير وكمان الفوم بتاع المخدات والالحفه والناحيه التانيه شركة الهلال والنجمه بتاعة البلاستيك وجنبيها بأه كل انواع البويه اللي ممكن تتخيليها وباسعار مختلفه تماما عن المحلات
ماشي ده لو دخلنا يمين
طيب لو دخلنا شمال هتلاقي كوبري
ماشي الشمال ده بأه شارع كبير اوي
على اليمين هتلاقي شارع ضيق جدا اسمه جوهر القائد
الشارع ده مليان ادوات مكتبيه وهدايا ومستلزمات المكاتب وكله بسعر الجمله
والشارع ده اخره ........ بيوصل على الصاغه والحسين .
الشارع ده لما تمشي فيه هتلاقي فتحه على ايدك اليمين قدام شويه الفتحه دي توديكي على حمام التلات حمام التلات ده مليان للعرايس اللي بيجهزوا كل حاجة المطبخ وبرضه بأسعار حلوه اوي بس لازم تفاصلي طبعا
جميل
اما بقى لو دخلتي اول شمال
حاره صغيره جدا جدا جدااسمها حارة اليهود
دي بأه فيها العجب كل ديكورات البيت
حاجات كنت بالقيها في الفا ماركت بمبلغ وقدره هتلاقيها هناك بنص السعر بس امشي فيه شويه وانتي هتلاقي حاجات كتير جدا وبراويز وساعات وكل حاجه
خلاص كده خلصنا شارع جوهر القائد
المهم ده لو كنا دخلنا يمين
اما لو دخلنا شمال وعلشان تتدخلي شمال لازم تعدي من تحت الكوبري علشان الشارع اللي في النص مقفول بسور....هتلاقي الموسكي
على اول الناصيه هتلاقي شركة اسمها الوفاء والامل او النور والامل حاجه كده... دي عندها خيوط مصر البيضا وخيوط كروشيه وتطريز وعيشه بس كله بالجمله وزراير كمان وبعدين لما تدخلوا يمين هتلاقوا كل مستلزمات الخياطه من سوست لخيوط لكل حاجه وقدام شويه في النمرسي بس اسعاره غير بتاع المهندسين
المهم كده يبقى خلصنا يمين شارع الازهر وشمال شارع الازهر
نيجي بأه لو مشينا على طول
استنوا متمشوش بسرعه لان يعد ما تمشوا قدام شويه كده هتلاقوا شارع ضيق على ايديكو اليمين الشارع ده مليان اقمشة تنجيد وكمان قماش ملايات ولو دعبستو كده وخرمتو شويه كمان او سالتوا فين الاقمشه الحريمي هتلاقي كده حارات صغيره شويه مليانه اقمشه حريمي ورجالي وبسعر الجمله برضه ارخص من الوكاله وكمان هتلاقوا اقمشه رجالي كويسه هتلاقوا الصوف اللي بيتباع المتر في عمر افندي ب70 وب 80 جنيه هتلاقوه هناك ب 30 جنيه
المكان ده هو التربيعه وهو مكان اكتر من رائع وكمان ارخص حته فى مصر للقماش
ماشي
المهم نطلع بره تاني على الشارع وافضلو ماشيين هتلاقوا على الشمال ناس كده بتبيع الحفه وستاير وفيه فتحه هناك بتدخلك على حمام التلات تاني
افضلو ماشيين لحد ما هتلاقوا على ايديكو اليمين حته اسمها الغوريه
عندها كوبري بتاع مشاه
لو انتي على اليمين وعديتي الكوبري ده ونزلتي الناحيه التانيه اول ما تنزلي
هتلاقي محل كبير بتاع خرز وترتر
مليان خرز وترتر كل الاشكال والالوان والأسعار بالجمله تحفه وكمان عنده خيط حرير و أحيانا بيكون عنده خيط مصر البيضا

افتكرت حاجه كمان
عارفين جراج العتبه مش فيه تحتيه ناس بتبيع ساعات وموبايلات وكده
افضلي لفي مع الجراج هتلاقي محل بيبيع خيوط حرير لتطريز المكن وكمان قماش ايتامين وكمان مستلزمات الخياطه وكمان حاجات مستوره جاهزه للشغل خداديات وكلام من ده
,ولما تحبي تروحي بالتاكسي
فانتي هاتقوليله انا عايزه اروح الحسين وممكن تنزلي عند كوبري المشاه يعني تبداي من اخر الشارع لان في الغالب التاكسي مش هايرضى يمشي من تحت يعني هايطلع الكوبري وينزلك عند قدام كوبري المشاه ويبقى على يمينك الغوره وعلى شمالك الحسين تقومي لفه ومديه ظهرك للمستشفى بتاعة الحسين وتبقى الغوريه على شمالك والحسين على يمينك
وتعكسي الخريطه السابقة



مصر
الاسكندرية

(1)محل التركى بالمنشية الصغرى من ميدان سانت كاترين بجوار هانو به خامات ورسومات اللاسيه وخيوط DMC وكانفات رائعة مستوردة وكذللك خيوط كروشيه و لاقمشة الابيسون
(2)محل لليكيان بشارع صلاح سالم وله فرع تانى بالمنشية اول شارع فرنسا وده لكل انواع الخيوط المحلية والمستوردة تريكو ..كروشيه ..كانفاة...تطريز...وكمان على الباب كتالوجات غرز وبيبيهات
(3)سوق الخيط للخرز والترتروحبال المكرميات ولوازم الشنط من ايادى واكسسوارات وخلافه.
(4)فى مجموعه بجوار كليه الفنون الجميله منها السمان وعندها الادوات الفنيه لللرسم بانواعه اما بالنسبه لقطاعات السيرميك فهى غير متوافرة الا
يوجد مكتبة واحدة للالوان وممكن عجينة السرميك وحاجات كتيراسمها (جارو)فى محطة الرمل بس

(5)الي جانب زنقة الستات في حي المنشية فيها العجب ماكياج -شنط- جلود -اكسسوارات ستائر -قماش الخيش- مستلزمات المكرميه و اللاسيه و الكلف و اخره بعد التقاطع علي اليمين في محل صغير بيبيع خيوط البيضا و الحرير و مستلزمات بالجملة و بسعر رائع
اما الشارع الي جنبه من برة -فية ورد - جميع انواع الاقمشة خاصه السواريه و مفروشات وطرح واقمشة الطرح و السرفلة و بعدها محلات الخرز و الترتر و خلافه

يوجد في المنشيه اكثر المحلات منها زرار لتكاليف الاكسسوار في شارع فرنسا مثلا يوجد الشامي والعقاد وزرار واسعار جمله رخيصه

كل مايزم لعمل الشنط والاكسسوارات والاقمشة والورودوالعطور والمكياجات
ومحلين قبل شارع فرنسا اسمهم مصطفي والاخر كريستال ..وكريستال يوجد به ابرة الكروشيه التونسي

اتقي ربنا هتخليني افلس واداين واخش السجن وابقة تعالي اكفليني بعدين ...
لحسن كده أنا هيتخرب بيتي من كثر الحاجات اللي هشتريها ...
ههههههههههه
يسلموووووو