على اسم مصر ؛؛ قصيدة لعم الشعراء صلاح جاهين؛؛؛

اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر

النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر

لللشاعر الكبير عم الشعراء

شعر جميل اوىىىىىىىىى يا قمر
واشكرك على مجهودك الرائع

انتى اجمل يا سارة منوراني والله تسلميلي يا عسل

اله عليك يعم صلاح
وعلى ربعياتك
فعلا من احلا الربعيات بتعته
ومن اشهرهم كمان
مغسى ليكى يامر
على التوبيك الهايل ده

ايه يا بنتى الحلاوه ديه
بجد مصراوي وافتخر
ده غير شيبسيكوا يعني
ههههههههههههههههههههههههههههههه
بجد تسلم ايديك يا فوفا
ع التوبيك الجاميل ده

هههههههههههههههه شيبسيكو ده اللى اعلانو ورايا ورايا وين ما اروح
حرام كدا ههههههههههههههه
انا عايزة ادوقو طيب بقى
منروني يا سعدني انتا وسماء والله انتو اروع

خالص يافيفى
اول لما تنزالى المطار
هكون مجهزالك كرتون
والحساب عند سعدنى
هههههههههههههههه

ههههههههههههههههههه ايوا هوا يدفع بقى هههههههههههههه
يلا كدا كدا شيبسيكو مضلع
كدا كدا بطاطسها مطرقعة هههههههههههههههه

ماشي ماشي
واضح ان انا بدبس كده
في كل حاجه
يعني الرحله
والشيبسي
وكل حاجه
ماشي ماشي
بس انتى تنزلي بس يا فيفي
وانا اجيبلك الشركه بذان نفسيتها

وانا ملياش حته ولا ايه ؟!؟!؟!؟!

ههههههههههههههههه

ههههههههههههههه ليك اكيد كام عبوة من الكرتونة ههههههههه
منور يا دموري التوبيك تسلم على الرد

» علي اسم مصر...........صلاح جاهين
» قصيدة الدرس انتهى لصلاح جاهين ............
» قصيدة أذكر يوما كنت بيافا للأخوان الرحباني...
» رباعية لصلاح جاهين
» أحمد صلاح محمود يكتب: آه يا شيال الهموم