(عيون القمر)على كرسى الاعتراف

انا اسفة جددددددددددددددددددددددددا يا جماعة على التاخير
بس انا عشان كنت مسافرة
ولسه راجعه
بجد سامحووونى
وانا هختار مكانى
(عيون القمر)
يلا
خلونا نقعدها على الكرسى ونشوف شطارتها
ونطلع اللى عملته فيا انا وادمين هنطلعه عليها
وهنورييها
يلا انتظرينى هرجعلك تانى باسئلتى
اللى هتخليكى متناميش الليل
انطرررررررررررررررررررررررررررررررررررررررررييييييييييييييييييييييييييييييييييييييييييييييييييينى lol!

بس اهم حاجه تظهر وتوافق على الاجابه

mashy ya ro2a w ana most3eda w kont 3arfa mn sa3tha enk ht5tareny ..
bs 3la fekra ana kont 7anona m3ako fe as2lty ya moftarya ..

ana 9'ahrt aho feeen el as2laaa b2a

ماشى ياستى
اولا ايه رايك فى المنتدى
اكتر عضو نشيط هنا
ايه الرساله الى نفسك توجهيها لعضو هنا
ايه رايك فى الحب من اول نظره
ايه رايك فى الحب من وجهة نظرك
ايه رايك فى الشخص الخجول
ما هى مواصفات فتى احلامك
اكتر انسان بتعتبريه مثل اعلى ليكى
احكلنا موقف فرحك وموقف زعلك
ايه رايك فى حياتنا دلوقت

بما أن محدش عبرني وجابلي كرسي قعد عليه
انا جبت لنفسي كرسي ،
امال هتسألوني على الواقف كده
، دا وانا اللي بطلعكوا رحلات وباسطاكو يا وحشييين
هههههههههه

انا هدلع نفسي بنفسي

وشيزلونج كمان مش كرسي عادي
ها ها ها

فلتتفضل جلالة الملكة
" عيون القمر "
بالجلوووووووووووس

موتي بقى يا أدماين انتي وروءا

يا جماعة اللي ما شفش كرسي أدماين يروح يشوفوا هههههههههههههههههههه
تحفة
هههههههههه ، ورءا تلاقيها قعدت على الارض باين او فضلت واقفة

Razz

ماشى ياستى

ماشي يا سيدي

بس عايزة اقول حاجة قبل ما أبدأ ، علشان نعدل نظام اللعبة من تاني ، انا هعد بس لغاية يوم الجمعة وبعدها هختار حد يعد مكاني
يعني اللي يلحق يسأل يسأل قبل ما اقوم
نبدأ بسم الله

اولا ايه رايك فى المنتدى

منتدى جمييل جدا ، والمنتدى الوحيد اللي برتاح فيه ، مع انه مش في اعضاء كتير بيدخلوه وكده بس بحبه جدا ومرتاحة فيه ،
، وبيعجبني فيه كل حاجة مواضيعه جميلة وأعضاءه أجمل

اكتر عضو نشيط هنا
أكيييييد أدماين ، مش عايزة كلام ، وانا كماااان خخخخ

ايه الرساله الى نفسك توجهيها لعضو هنا

عايزة اقول لماسو يرحمنا من قره شوية ههههههه، وخليه ينبسط هنطلعه معانا سويسرا اهه

ايه رايك فى الحب من اول نظره

بداية الحب نظرة ، وليس حبا من نظرة ، لان ساعتها ممكن اكون حبيت شكله و مظهره الخارجي ، مش حبيت شخصه
^.^
ايه رايك فى الحب من وجهة نظرك

الحب صح حاجة حلوة ، وحاجة حلوة جدا كمان ،
لكن اعتقد انه لو كان بعد الجواز هيبقى قمة في الروعة ، ، هيبقى احسن من ان الواحد يعيشه قبل الجواز
لانه هيبقى تهور شوية ، ممكن البنت تندفع بعواطفها ومشاعرها وتسلمها لواحد الله اعلم هيكون يستحق
الحب دا ولا لأ ، وهتخون ربها قبل كل شيء خاصة لو كانت صغيرة ومراهقة ، ..
فـ يعني بلا حب بلا هم دلوقتي . أنا لسه بدري عليا وعلى وجع القلب دا هههههههه

ايه رايك فى الشخص الخجول
أحلى حاجة الخجل أو الحياء ، وخاصة لو كان في البنت ، بس اكيد من غير مبالغة لانو ساعتها هيبقى مرض

ما هى مواصفات فتى احلامك
اممممم ، أول حاجة وأهم حاجة عندي يكون حنيّن ،
والمعاملة الطيبة برده مطلوبة ومهمة لانها بتهون حاجات كتير وبتصبر عن أي عيب
ومتدين
وأكيد طبعا لازم يحبني ويكون عنده شوية رومانسية ..
بس

اكتر انسان بتعتبريه مثل اعلى ليكى
طبعا ، لازم يكون قدوتي وقدوتنا كلنا ، النبي عليه افضل الصلاة والسلام ، وأمهات المؤمنين ، بس احنا نوصل فين دلوقتي
بس لو في حياتي دلوقتي ومن الناس اللي حواليا واللي أعرفهم أو أي حد
مفيش ، انا قدوة نفسي هههههه مع نفسي كده
هههههههههههه

احكلنا موقف فرحك وموقف زعلك
اقرب حاجة حصلتلي وفرحتني جدا جدا جدا
، هيا حاجة حصلت بالصدفة ، اني اتعرفت على بنوتة جميلة وبقت صحبتي دلوقتي
وبالصدفة البنوتة دي طلعت تعرف بنانيت والبنانيت دول طلعوا قرايبي وفي عمري كمان ، وانا ما اعرفهمش ، وعرفتني عليهم
وان شاء الله نبقى اصحاب ، اللي فرحني ، اني اخيرا لقيت حد من قرايبنا في سني وهنبقى أحلى اصحاب ان شاء الله
والحاجة دي كنت فاقدة الامل فيها وكنت بتمناها كتير ،
بس الحمدلله،

موقف زعلني امممممم ، موقف كان حصل مع صحبتي وفرقني عنها وانقطعنا عن بعض بعد سنين صحوبية

اذا ايه رايك فى حياتنا دلوقتي
أكيد حياتنا دلوقتي بقت صعبة كتيييييييير والناس كلها مش مرتاحة
بس كل دا بيهون طالما في ناس حواليك بتحبك وبتحبها وبتهون عليك الامور كلها ،بس ما بتخفيهاش
بجد مش عارفة اقول ايه ولا اسيب ايه ، مش عايزة اتكلم عن المشاكل اللي في الحياة والمآسي اللي فيها وصعوبتها
بس فعلا بقت حياة تخوف ، ومعتش فيها أمان خاصة لو هعيش في مصر وهبقى مفتقدة جدا الحاجة دي ،
لاني البلد اللي انا فيها الحمدلله موجود الأمان والراحة والالتزام والاحترام والحياة هنا مريحة وكويسة
انا قارنت بين حياتين ، حياة عايشاها دلوقتي في مكان وحياة هعيشها بعد كده في مكان تاني
وأكيد حياتك بتختلف من مكان لمكان تاني

..

وشكرا ديسكافري مان على الأسئلة باستثناء أسئلة الحب اللي أنا ما بحبهاش دي

ثانكس ^.^

كنتي في برنامج من سيربح المليون وعايزه تتصلي بصديق مين تختاري من الاعضاء

غرق المنتدى ومعك قارب لا يحمل الا ثلاثه من تأخذي معك

سـ1- ايه اللى ممكن يلفت نظرك فى ولد ماشي فى الشارع ؟

ســ2- لو شفتي بنت جميلة قاعده قدامك " فى الجامعه , فى كافيه , فى مكان عام "
ايه اللى هتحلمي بيه ؟

ســ3- " لو واحده صاحبتك قالتك داه رقم موبايل ولد "
هتتصرفي بالرقم ازاى ؟

ســ4- لو ولد فى المنتدى رد على موضوعك
هتكوني فرحانه اكتر ولا لو بنت اللى ردت عليه وبدون نفاق وبصراحه

ســ5 - بتهتمي بلبسك وقصة شعرك ولون جزمتك
مفيش مرة حسيتي انك لو واثقه فنفسك مش هيفرق معاك المظهر؟

ســ6 - لو كنتي بنت شيك جدا وبتصرفي بغباء ع الولاد
وشفتي بنت عادىه جدا ماشي مع ولد فمنتهى الجمال<مز يعني> احساسك بيكون ايه؟

ســ7 - الجماعه الأوائل ع الدفعه فى الكلية ولاد كتيره بتتمنى تكلمهم
انتي بتغيري منهم عشان الولاد بيكلموهم اكتر ولا عشان أوائل الكلية ولا عشان الاتنين ؟

اسمك بالكامل

سنك وتاريخ ميلادك

عندك اخوات ؟ كام ولد وكام بنت؟

أكتر أكله بتحبيها

بتعرفى تطبخى ولا ايه النظام؟؟

ايه اكتر أكله بتعرفى تعمليها؟؟؟

بتكلمى مين من على المنتدى ؟؟

عرفتى المنتدى ازاى؟؟؟

مين أكتر عضو وعضوه بتحبيهم ؟؟؟؟

ومش تقولى كلهم عاوزه اسامى

حبيتى كام مره ؟؟

انتى بتخافى؟

ولو بتخافى من ايه؟

بتقبلى النقد ولا لاء؟

ما معنى كل مما يأتى بالنسبة ليك :

البحر

السفينة

السماء

الحب

الصديق

اللون الابيض

والاصفر

الازرق

والاخضر
بتحبى مامتك ولا باباكى اكتر ؟؟

ليكى صاحبه انتيم ولا لا ؟؟

ايه شعارك فى الحياه ؟؟؟

ايه لونك المفضل ؟؟

اكتر عضو حبيتيه فى المنتدى من غير ما تعرفيه ؟؟

يا ترى كام بنت وكام ولد عندك على الميل ؟؟

جاوبى بقه جمعتلك كمية اسئله كويسه
مش اخرك الجمعه جاوبىجاوبى

كنتي في برنامج من سيربح المليون وعايزه تتصلي بصديق مين تختاري من الاعضاء
هختار أدماين ، لانها أقرب واحدة ليا هنا ..

غرق المنتدى ومعك قارب لا يحمل الا ثلاثه من تأخذي معك
هاخد أدماين وأمونة وروءا

سـ1- ايه اللى ممكن يلفت نظرك فى ولد ماشي فى الشارع ؟
اممممم ، مش عارفة ، بس بجد انا مش بركز على اللي ماشيين في الشارع أوي ،

بمشي ولا كأني شايفة حد كأني ماشية لوحدي في الشارع ،

إلا إذا كان حد ملفت للنظر أوي ، هيكون ايه غير مظهره الخارجي ..

بس ببص للبناااااات خخخخ ،

بشوفهم موديلات لبسهم ايه وألوانها ايه هههههههه تفكير بناتي بقى

ســ2- لو شفتي بنت جميلة قاعده قدامك " فى الجامعه , فى كافيه , فى مكان عام "
ايه اللى هتحلمي بيه ؟

مش بحلم بحاجة ، بس بعد أفكر ، البنت دي جميلة من برة يا ترى من جوا شكلها ايه ..
وبرده هي ممكن تكون جميلة بس انا احس اني انا اجمل منها ، لو انا مقتنعة فعلا من جوايا اني جميلة ..

مش هيهمني جمالها ولا هحلم مثلا اني ابقى بجمالها ، دا لو أنا ناقصة جمال اصلا ..

ســ3- " لو واحده صاحبتك قالتك داه رقم موبايل ولد "
هتتصرفي بالرقم ازاى ؟
من ايديها على الزبالة عدل

ســ4- لو ولد فى المنتدى رد على موضوعك
هتكوني فرحانه اكتر ولا لو بنت اللى ردت عليه وبدون نفاق وبصراحه
ههههههه ، اسألتك عاملة كده ليه

، لا الصراحة ، بنتظر ردود البنات أكتر ،بس لو جا ولد ورد قبل بنت ،

بفرح لان في حد رد ، مش لان ولد هو اللي رد

ودي الصرااااااااااحة التامة ..

ســ5 - بتهتمي بلبسك وقصة شعرك ولون جزمتك

أكيد ، بس ما بحبش المبالغة ، البساطة حلوة

مفيش مرة حسيتي انك لو واثقه فنفسك مش هيفرق معاك المظهر؟
لو انا مرتاحة لمظهري ومقتنعة بيه وواثقة من نفسي ، ما يهمنيش أي حاجة ،

انا كده ، مش حاجة حسيتها مرة ولا كذا مرة ...

ســ6 - لو كنتي بنت شيك جدا وبتصرفي بغباء ع الولاد
وشفتي بنت عاديه جدا ماشية مع ولد فمنتهى الجمال<مز يعني> احساسك بيكون ايه؟
عايزة افهم حاجة الاول ، ازاي يعني بتصرف بغباء ع الاولاد ؟؟

ووضحلي سؤالك أكتر علشان أعرف ارد عليك كويس ،

الاتنين اللي ماشيين مع بعض دول إيه علاقتهم ببعض ؟؟

ســ7 - الجماعه الأوائل ع الدفعه فى الكلية ولاد كتيره بتتمنى تكلمهم
انتي بتغيري منهم عشان الولاد بيكلموهم اكتر ولا عشان أوائل الكلية ولا عشان الاتنين ؟
علشاااان أكيد هما الاوائل ع الدفعة ، ومش غيره وحشة والله ،

بس غيره اللي هيا انا كمان عايزة ابقى الاولى ع الدفعة وهما كمان بس انا ابقى معاهم
ومش علشان أولاد بيكلموهم ، مش حاجة حلوة أوي اني أغير منهم علشانها

ولا حاجة اتمناها في حياتي..

اسمك بالكامل
عيون القمر بنت هلال بن البدري
خخخخخ

سنك وتاريخ ميلادك
17 سنة ، من مواليد 2 ديسمبر 91

عندك اخوات ؟ كام ولد وكام بنت؟
عندي 3 ، ولد و2 بنتين وانا البنت التالتة

أكتر أكله بتحبيها

بحب فراخ بانيه وورق العنب

بتعرفى تطبخى ولا ايه النظام؟؟

ايه الكلام دا ، عيب على أنوثتي أصلا ، ازاي ما بعرفش اطبخ ،

بعرف طبعا ،بس أنا مش بطبخ ،

بعمل أكتر حاجة الحلويات والحاجات

ولسه دلوقتي طالعة من المطبخ على فكرة قبل ما آجي قعد ههههه

كنت بعمل دونت ، اللي بيحبها يقولي ، هنزلكم الطريقة ،

حلوة ولذيذة جداااااااااا وخاصة من ايديا ههههه

ايه اكتر أكله بتعرفى تعمليها؟؟؟

اممممم ، الحاجات السهلة دي ، الرز والمكرونة والبشاميل والفراخ

بتكلمى مين من على المنتدى ؟؟
أدماين وروءا وشمعة وأمونة

عرفتى المنتدى ازاى؟؟؟
عرفت المنتدى عن طريق موقع ، اسمه تعلم من أجل الامارات ،

كنت بدور فيه عن حاجة للمدرسة ولقيت الرابط بتاع المنتدى وعرفته بقى ..

مين أكتر عضو وعضوه بتحبيهم ؟؟؟؟

و مش تقولى كلهم عاوزه اسامى
أكتر عضوه أدماين وأمونة كمان وروءا بجد دول أقرب ناس ليا هنا

حبيتى كام مره ؟؟
كتييييييييييييييير بعدد شعر راسي ، كل شهر بحب حد ههههههههههه

انا بهظر

لا ولا مرة حبيت

انتى بتخافى؟
من ايه بالظبط لا مؤاخذة

ولو بتخافى من ايه؟
آه

بخاف لما حد بيسألني يعني يقولي انا هسألك عن حاجة وهيسأل كأنه هيسأل عن مصيبة ،

أو يقولي هقولك على حاجة بس ما تعصبيش

، مش عارفة ليه ؟ ، بس بتجيلي حالة رعب وقلق لما حد يقولي كده

بتقبلى النقد ولا لاء؟
لو كان على حق واقتنعت بيه ، اقبله ليه لأ ،

أما لو كان نقد لاسباب شخصية وانه بس ينتقد للتقليل من الشان

، خلي النقد لصاحبه

ما معنى كل مما يأتى بالنسبة ليك :

البحرعلى قد ما بحبه على قد ما بخاف منه

السفينةبكرهها هيا وكل حاجة شبهها ماشية في البحروبخاف منها

السماء

لما بحس نفسي مخنوقة ببصلها ، بحس براحة الحب احساس حلو ، لسه ما جربتهوش

الصديق

مين يقدر يعيش من غيرها

اللون الابيض

بيحسسني ان لسه في أمل في الحياة ، ولسه في نقاء وطيبة

والاصفر
مش بيعنيلي حاجة

الازرق
اللون اللي بدور عليه لما بعصب ، بيهديني ،لانه اصلا هادي

والاخضر

الطبيعة

بتحبى مامتك ولا باباكى اكتر ؟؟
الاتنين محبتهم ما تختلفش عن بعض ، ربنا يخليهملي

ليكى صاحبه انتيم ولا لا ؟؟
لأ ، ليا أصحاب وقريبين مني ، بس مش لدرجة الانتيم

ايه شعارك فى الحياه ؟؟؟
help your self

اعتمد على نفسي في كل حاجة ، وما افقدش الأمل مهما حصل

ايه لونك المفضل ؟؟

بحب كل الألواااااان ، بس الاسود أكتر حبتين
والاخضر كماااااااااان

اكتر عضو حبيتيه فى المنتدى من غير ما تعرفيه ؟؟
اممممم محدش ، ازاي احبه من غير ما اعرفه

يا ترى كام بنت وكام ولد عندك على الميل ؟؟

معنديش ولا ولد غير قرايبي بسسسسس ، والباقي كله بنات

جاوبى بقه جمعتلك كمية اسئله كويسه

أشكرك حضرتك ع الأسئلة ،

مش اخرك الجمعه جاوبى جاوبى

جاوبت جاوبت ، امال ههرب مثلا ومش هجاوب ، انا بس باخد وقت

خلاص خلصت الاسئلة
اعصرواااا المخ طلعوا أسئلة
مفيش غير ديسكافري ، هو اللي ما شاء الله عليه ، مجمع شوية أسئلة كده
تعبتني الصراحة ، بس بعد ما خلصتها حسيت كأنها ولا حاجة
بس شكرا ديسكافري حللت قعدتي على الكرسي ونردهالك ان شاء الله هههههههههههه

وجهز نفسك للخلافة من بعدي احم احم

نــبدأ

. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك

2-باقة ورد لمن تهديها ...؟؟

3-5- شخص لاترفض له طلبا ..؟؟
4- من هو توأم روحك ...؟؟
5-مالذي يشعرك بأكثر قدر من الحرج...
6-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
7-- من هو العضو اللي يستحق انه تقول عنه محبوب بين الاعضاء ؟
8-مين بنظرك بيعمل بجهد بالمنتدى

أولا : كل سنة و إنتم طيبين بمناسنة حلول شهر رمضان الكريم

أنا معايا شوية أسئلة ::

لمين تهدي 3وردات بمناسبة حلول شهر رمضان ؟؟
إيه أكتر حاجة تحبي تعمليها في الشهر الكريم ؟؟

بتحبي تعملي إيه لما تقعدي على الكمبيوتر ؟؟

بصي هجيلك تاني

نــبدأ
. ماذا ستكتب لنا لتعبر عن حياتك التي عشتها الى الان في كلمات قليله ؟

مفيش في حياتي حاجة اني اكتبها ، لاني لسه ما عشتش حاجة علشان اكتب عنها ، حياتي عادية وروتينية ، اليوم اللي بيعدي هو نفسه اليوم اللي قبله هو نفسه اليووم اللي بعده ، وعلاقاتي محدودة جدا ، إلا ان في الفترة الأخبرة اتعرفت على ناس جديدة وبدأت اختلط أكتر بالناس ..

. اذا اردت ان تبكي الان , فعلى من تبكي؟
هبكبي على فقدان أعز انسان عليا ،( جدو الله يرحمه )

من ستختار ليمسح دموعك
مش هستنى حد يمسح دموعي ، ولا انا همسحها ، خليها تنزل ولما تخلص تبقى تنشف لوحدها ، هكبت نفسي وهكتمها ليه ..

2-باقة ورد لمن تهديها ...؟؟
للي مامته دعياله هههههه

3- شخص لاترفض له طلبا ..؟

4- من هو توأم روحك ...؟؟
لغاية دلوقتي ملقتش توأم روحي

5- ما لذي يشعرك بأكثر قدر من الحرج...
مش فاكرة حاجة دلوقتي

6- حمامة زاجل استقرت على نافذتك تحمل رسالة من مجهول فممن تتمنى ان تكون...؟

نفسي تكون من صحبة ليا اختفت مرة وحدة ، تطمني عليها وتقولي هيا فين..

7- من هو العضو اللي يستحق انه تقول عنه محبوب بين الاعضاء ؟
أدمووووووووووووووونة

8- مين بنظرك بيعمل بجهد بالمنتدى
كماااان أدموووووووووونة

وثانكس روءا على جهودك العظيمة اللي بذلتيها ، علشان تجيبي الأسئلة هههههههه

أولا : كل سنة و إنتم طيبين بمناسنة حلول شهر رمضان الكريم
وانتي طيبة يا جميل

أنا معايا شوية أسئلة ::
اتفضلي

لمين تهدي 3وردات بمناسبة حلول شهر رمضان ؟؟

هدي الــ 3 وردات لعيون القمر ،خخخخ

بسههدي اجمل الأماني والتهاني

وبقولكم ، عسى رمضانكم مبارك وكل لحظاتكم تُبارك وجنة الخلد داري وداركم ، وكل سنة وانتمـ طيبين

إيه أكتر حاجة تحبي تعمليها في الشهر الكريم ؟؟
أحب وأتمنى أني اقدر اختم القرآن المرة دي في رمضان اكتر من مرة ، بجد نفسي أوي ،

كل مرة رمضان بيجي في الدراسة وبختمه مرة بالعافية ،

بس السنة دي ان شاء الله غير ، الرضا نزل علينا ، وادونا أجازة

بتحبي تعملي إيه لما تقعدي على الكمبيوتر ؟؟
أقرأ روايات ، قعد ع المنتدى ، قعد ع المسن

بصي هجيلك تاني

لو لحقتي بقى هههههه ، انا قايمة النهاردة

احكلنا موقف فرحك وموقف زعلك
اقرب حاجة حصلتلي وفرحتني جدا جدا جدا
، هيا حاجة حصلت بالصدفة ، اني اتعرفت على بنوتة جميلة وبقت صحبتي دلوقتي
وبالصدفة البنوتة دي طلعت تعرف بنانيت والبنانيت دول طلعوا قرايبي وفي عمري كمان ، وانا ما اعرفهمش ، وعرفتني عليهم
وان شاء الله نبقى اصحاب ، اللي فرحني ، اني اخيرا لقيت حد من قرايبنا في سني وهنبقى أحلى اصحاب ان شاء الله
والحاجة دي كنت فاقدة الامل فيها وكنت بتمناها كتير ،
بس الحمدلله،

انا بجد دي اكثر حاجة عجبتني وبسطتني يا قمر
وووإهئ إهئ إهئ لأني نسيت جداا انك على كرسي الاعتراف كان نفسي الحق اردلك اللي عملتيه مرتين مش مرة ههههههههههه
بس يلا تتعوض تااني

هجيبلك شوية اسئلة صغنين..

بس جاوبي صحيح انهارده اخر يوم بس جاوبي لسه في وقت لغاية قبل منتصف الليل ههههههههههه زي سندريلا كدااا
اه قبل ما انسى ميرسي جداااااااااااااااااااااااااااااااااا يا قمر على كلامك الحلو عليا اوىى اوىىى واوىىىىىىى
ميرسي بجد وانا كمان بحبك جدااااااااااااااااااااااااااااااااااااااااااااااااااااااا

وبقولك كل سنة وانتي طيبة

ما هو تأثير العمر على معنى الحب ؟

هل فرق العمر بين الطرفين هل يؤثر على علاقة الحب؟ من وجهه نظريك يا جميل ؟

هل يمكن أن تكرهى الشخص بعد أن أحببتيه؟

بوجود الحب أيشترط وجود السعادة؟

هل الغيرة ضرورية في الحب و ما دورها ؟
سلبي أم ايجابي ؟ بردو من وجهه نظريك يا جميل

10 _ أيهما أخلص الشب أم البنت؟ ويجب ان تحددى اختيارك وتختارى واحد فقط وتقولى لماذا ؟ لا يسمح بأختيار الاثنين وااااااااااااااااااحد فقط ؟

هل الحب عبر الأنترنت و غرف الدردشة و الميل ممكن؟(بمعنى أن تحب شخص لمجرد معرفتك لأفكاره بدون معرفة شكله أو صوته او حتى لو كان يوجد كاميرا ومايك ها هذا يكفى ؟

ما ردة فعلك عندما يقول لك حبيبك : أحبك نعم أتزوجك لا ؟

من يسكن قلبك الان ؟ ممنوع منعا بااتا لفظ كلمه ( ماما -بابا - اخويا - اختى -خالتو - خالو - عمو - جوز خالتى - ادينى بقولك اهو ) Twisted Evil

(مستحيل انساك)) لمن تقوليها ؟ ممنوع خالو. خالتى . جوز عمتى ...... إلخ ماشى Twisted Evil

( أنت كل شيء بحياتي )) لمن تقولها ؟ بردو خالى . خالتى جوز بنت عمى هههههههه إلخ ممنوع Twisted Evil

ماذا تقر وتعترف أمامنا الان ؟ أريد أعتراف جاااااااااااااامد ؟

اغمضى عينيك دقيقه لو سمحتى .............

, ماذا خطر على بالك وانتى مغمضه عينيكى ؟

لو خياروكى بين شهادتك الجامعيه أم الزواج ممن تحب وتعيشين معه لبقيه حياتك ؟ الاختيار لوحده فقط لازم ولابد ؟ Twisted Evil

_من هو اكثر شخص تفكر فيه الان ؟ ممنوع بابا _ ماما _ خالو _ خالتو هههههههههه ألخ يا جميل

ما هو اقتراحك الذي تتمنى ان يحدث في هذا المنتدى ولم يحدث حتى الان ؟

_هل لديهم رغبة حب التملك واذا تملكتى الشيء اصابه الملل منك ؟

ملحوظه لاحظتها على عضو من الاعضاء ماهي ؟؟ ومن هو العضو ؟؟ ويجب اختيار عضو ووضع ملحوظاتك ...

من العضو الذى تحب ان تقرأ له موضيعه وفى اى قسم بالمنتدى ؟؟ وما الذى يعجبك فى موضيعه؟؟ يجب التحديد واختيار عضو واحد فقط ........

بس كفايه عليكى كده اصل تعبت من الكتابه ياله بااااااااااااااااااااااااااااااااى

ههههههه انتي لسه جاية حالا ، بدري عليكي يا جميييييل
انا تقريبا دوري انتهى بس ولا يهمك هجاوب وهبقى احطلك الاجوبة حتى في دور اللي بعدي

وانا اخترت
احط ديسكافري مان ، خلينا نحط ولد المرة دي ،
بقالنا دلوقتي
3 بنات ورا بعض

اتفضل ديسكافري مان ، استلم دووووورك
وما تنساش تجيب كرسي معاك وانت جاااي ، احنا معندناش كراسي هنا
والشيزلونج بتاعي خدته وانا ماشية ههههههه

بالتوفيق ^.^

بقولك ايه روؤا حطت الترشيح متاخر يعني لسه قدامك وقت
ردي يا بت انتي...

لا يا بنتي ، ما انا عارفة ،
بس علشان نعدل نظام اللعبة ونمشي ع القوانين ،
ووطي صوتك ،
أمونة لو سمعتنا هتقلب المنتدى علينا ،ههههههههههههه

لوحدها متنرفزة علشان أخرنا خخخ
ولو تطول رقبتنا ، كنا سلمنا من زماااااااان هههههههه

لا ماتخااافيش انا هوطي صوتي بيني وبينك يعني
وهستنى امونة قصدي هستنى الاجابات...

+
----
-

احكلنا موقف فرحك وموقف زعلك
اقرب حاجة حصلتلي وفرحتني جدا جدا جدا
، هيا حاجة حصلت بالصدفة ، اني اتعرفت على بنوتة جميلة وبقت صحبتي دلوقتي
وبالصدفة البنوتة دي طلعت تعرف بنانيت والبنانيت دول طلعوا قرايبي وفي عمري كمان ، وانا ما اعرفهمش ، وعرفتني عليهم
وان شاء الله نبقى اصحاب ، اللي فرحني ، اني اخيرا لقيت حد من قرايبنا في سني وهنبقى أحلى اصحاب ان شاء الله
والحاجة دي كنت فاقدة الامل فيها وكنت بتمناها كتير ،
بس الحمدلله،

انا كمان بجد لحد دلوقتى مش مسدقة اللى حصل ده ولا فى الاحلام
وبجد انا مبسوووووووووووووووووووووووووووووووووووووووووووووووووووووووووطة جددددددددددددددددددددددددددددددددددا ان انا بقى ليا صديقة زيك وفى سنى وقريبة قمر زيك وفيكى حاجات كتتييييييييييييييييييرة بتشبهنى كمان
ويارب يدوم علينا صداقتنا اللى هتكمل ان شاء الله قريبا ويحببنا فى بعض كمان وكمان ويجمعنا واحنا احبابه فى الفردوس جميييييييييييييييييييعا

وبجد برافووووووووووووو (عيون القمر)على كرسى الاعتراف 59901

عليكى جاوبتى على الاسئلة جيد جدا
وبغض النظر ايه اللى حصل عشان اجيبهالك Wink

بس يلا اللى حصل حصل واديكى جاوبتى

واشوفك على خير يا قمر

ولا أنا بجد ، لسه بستوعب
بس بجد الحمدلله الحمدلله ، اني التقيت بيكم ومبسووووطة جدا ويمكن أكتر منكم كمان
ويارب يديم المحبة بينا ويزيدها
يااااااااااااااااااااااارب

^.^

» رحبوا معي بأحلى عيون... عيون الشمس
» كرسي الاعتراف
» مكياج عيون رائع ومميز للحفلات
» لكل عيون سؤالها ... ولكل نظرة جمالها ...
» انشقاق القمر