يا ترى بيمثلك ايه ؟؟!!!

الحب لي عامل زي ما يكون الواحد عايش طول حياته فاكر ان هو شايف الدنيا بشكلها الطبيعي لحد ما بالصدفه يكتشف ان نظره ضعيف ويعمل نظاره وأول ما يلبس النظاره يشوف الدنيا بشكل تاني عمره ما شافه قبل كدا شايف الدنيا بشكل اجمل واوضح وساعتها اقتنع انه كان نظره ضعيف وانه ميقدرش بعيش من غير النظاره دي

بالنسبه لي الحب عامل زي النظاره

حاجه بتخلي نظره الانسان مختلفه للحياة أكيد بتبقى أجمل وأروع .....

على فكرة أنا اقصد الحب بمعناه الشامل

السؤال

انت أو أنتي الحب عندك يعنى ايه ؟؟؟؟؟؟؟؟

الحب بيقولو عليه من اجمل الحاجات في الدنيا
بس في الزمن ده الوقتي متهيقلي بقى صعب شوية انك تلاقي الحب الصادق اللى نقدر نقول عليه حب
لأن الوقتي الحب بقى زي تيك اويي يعني كلو بيتسلى
وبصراحة انا من الناس اللى بتخاف من الحب ومش عايزاه يجي الا لما احس انى اقدر استحمل حاجة زي كدا ولو انى شايفة انى مش هقدر استحمل البعد او الفراق وكمان نقطة مهمة الحب دايما بيشيل احد الاطراف الهم لوو لفترات لأن النظارة دي لو ضاعت بتبقى مصيبة ومصيبة كبيرة
وبتحصل مشاكل لغاية اما يرجع يلقاها تانى او يغيرها بس عقبال ما يجيب غيرها بتكون روحو طلعت بقى
بس بجد تفكير راااااااائع فعلا زي النظارة
تسلم ايديكي توبيك هايل في نظري ويستحق الواحد يقرا بجد